Neem Hakeem 

Neem Hakeem…


Shaykh Sulayman ar Ruhaylee حفظه الله ke Dars se liya gaya


Tarjuma : Hafiz Alimuddin Yusuf


Part 1


Ibn Al-Qayyim رحمه الله farmaate hai : Nisf (Aadha, half) Faqeeh jitna nuqsaan pahunchata hai itna nuqsaan neem hakeem se nahi hota.

Shaykh Sulayman ar Ruhaylee حفظه الله farmaate hain : Imam ibn al-qayyim رحمه الله ne aysa Islye farmaaya kyun ke neem hakeem logo ko jismaani taur se nuqsaan pahunchata hai.

Jabke neem Faqeeh, logo ke deen par khatra bun jata hai.


Islye mere bhaiyo

Hum jab ulamaa ke aqwaal bayan karte hue ye khete hain ke Shar’ayi Ahkam Har kas o naakas  se ( from everyone) nahi lena chahiye aur naa hi kisi mash_hoor daayi ya kisi aise talib E ilm se jiske pass kisi Shaykh ka tazkiya Ho.

Mere bhaiyo humara khene ka maqsad ye hota hai ke Ahkaam E shar’ayiah main un ulama Ki Taraf rujoo karein Jo Faqeeh hote hain.  har woh sakhs jisne ek ya 2 kitaabein padh lein ya Internet se seekh kar ek do satr (line) likh padh liya, ilm aur shar’ayi Ahkam mein fatwaa un se nahi liya jaye ga.

(Aise logo ke Bare Mein) log khete hai. Falan Allamah….. Ne falan muaqam par ye khitaab Kiya, ye bayan diya, falan naseehat Ki dar Haqeeqat ilm unse liya jata hai jo Ilmi maidaan mein maroof (known) Hon, jinke ilm Ki shaaadat ahle ilm ne Di Ho, Jo ilmi masaail mein ahle ilm ke liye marja Hon. Aur in mein bhi khususi taur se woh ulamaa jinhe fiqhi masaail par bhi (dastars) maharat haasil Ho.

Rabb E Kabah Ki Qasam: mujhe ye sun kar bada dukh hota hai ke baaz Islamic mulk mein hudood in qassaas, aur dam’a ke mutalliq fataawe ,ba’az un taalib E ilm se liye jate hain jinhe in masail mein zubaan bhi kholne Ki ijazat nhi hai, lekin Iske bawajood bhi woh fataawe sadir karte hain ke inhe Qatal Karo, Inhe mita do inhe Baki Mat chodo….


Phir pure mulk mein fasaad aur khoon rezi ka aalam hota hai. Basti Ki Basti lahu luhaan nazar aati hai.

Srif ek aise shakhs ke fatwaa Ki wajah se Jo Ilmi aetebaar se qabil aetemad nhi.


Ye Kisi ke jarrah ke taur par nahi balke shar’an Jo baat haq hai woh keh raha hun.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: