​Khalasa Kitaab Ul Taharat (Amdatul Ahkaam)

Khalasa Kitaab Ul Taharat (Amdatul Ahkaam)

(1) Deen islam insaan ki zahir wa batini safayi sutrayi, pakeezgi aur taharat ka bahut ihtemam karta hai.
(2)Taham aamaal ki sehat aur in par jazaa ka dar wo madar niyatoun par hai, taharat k liye niyyat zaruri hai joh adat aur ibadat mein farq karti hai jaise ghusl janabat aur ghusl farhat mein farq.
    Zubaan se niyyat k alfazaz ada karna bidat hai.
(3)Wazu k baghair namaz qubool nahin.
(4)Wazu mein Aa’aza ko achi tarha se dhona chahiye, kotahi karne wale k liye saqt wa aeed hai.
(5)dhelaoun se istanja karne wale ko chahiye k taaq adad istemal kare.
(6)Raat ko so kar utne k baad kisi bhi bartan mein hath dalne se pehle teen bar dhone chahiye.
(7)Ek jaga thaira hua pani joh paishab ya ghusl karne se mutasir hojaye ismein paishab aur ghusl janabat karna mana hai.
(8)Kutte ka lo’ab aur joh kuch iske badan se nikle jaise paishab wa pasina waghairah najis hai, agar kutta kisi bartan mein mou dal de toh isse aath<8>martaba dhona hai jismein se pehli bar mitti se aur baqi martaba pani se dhoya jayega.
(9)Mukhtalif ahadees ki roshni mein wazu ka aamumi tariqa: 
*Sub se pehle dono hateliyoun ko teen martaba dhona.
*chulu bhar kar is ek chulu se mou mein pani dal kar kulli karna aur naak mein pani chadha kar jahadna, aisa teen martaba karna.
* Mukammal chehra peshani ta thod’di aur kanou tak teen martaba dhona aur dadhi ka khalal karna.
*Dono Hathou ko kohniyoun tak teen martaba dhona.
*hathoun ko bhigo kar sar ka masaa karna peshani k baal jahan se shuru hote hain wahan se lekar guddi tak, phir wahan se wapas issi jaga tak jahan se shuru kiya tha, ek martaba. Phir inhi bheegey hathou se kaan k androni hisse mein ungli se aur bahar angothey se masaa karna, ek martaba.
*Donou pairoun ko takhne tak teen martaba dhona.
*Issi tarteeb ko barqaraar rakhna.
(10) Masaa k alawah digar aazaa ka ek ek ya do do ya teen teen bar dhona sabit hai.
(11)Wazu samait har khair wa taharat k kaam mein dayein se shuru karna sunnat hai.
(12)Ummat Mohammediya sallellahu alayhi wasallam k wazu k aazaa baroz qayamat chamak rahe hounge.
(13)Qazaa haajat k liye jane se pehle yeh masnoon dua padhni chahiye :

   {allahumma inni aouzbika minal khubsi wal khubayis}

(Aye Allah! Beshak mai na paak jinnou aur jinniyoun se teri panah talab karta hun)
(14)Qaza haajat karte waqt kabatullah ki taraf mou ya peeth karna mana hai agar khuli fiza mein houn, aur agar immarat wa char diwaroun mein hon toh peeth karna jayaz hai albatta mou karna mana hai.
(15)Dheloun aur pani dono hi se istanja karna jayez hai.
(16)Qazaei haajat karte waqt dayein hath se sharmgah ko hath nahi lagana chahiye.
(17)Pine k bartan mein saans ya phonk nahi marni chahiye.
(18)Paishab k chinthey se nahin bachne par azaab qabar hota hai.
(19)Miswaak har waqt aur khususan namaz k liye karne ki shadeed takeed.
(20)Mozaoun par masaa karna sunnat se sabit hai bashart yeh k wazu kar k pehne gaye hun, qazaei haajat ki surat mein bhi inhein utara nahin jayega albatta ghusl janabat k liye utarna zaruri hai. Masaa ki mudat muqeem k liye ek din raat pehli bar masaa se lekar, jab k musafir k liye teen din wa raat.
(21)Mazi joh shahwat k waqt shafaaf sayil madah sharmgah se kharij hota hai aney par sharmgah ko dhona aur wazu karna zaruri hai albatta ghusl wajib nahi.
(22)Dabr se hawa kharij hone se wazu toot jata hai. Agar namaz mein hawa kharij hone ka khayal ayeh toh is shaitani waswasey par dhiyaan na diya jaye jab tak yakeen na hojaye jaise awaaz ya boo mehsoos karna.
(23) Sher khwar bacha agar kapde par paishab karde toh is par pani k chehintey marey jayeinge, ba qayeda dhone ki zarurat nahi.

[24/06, 8:07 p.m.] Sara Khan: Khalasa Kitaab Ul Taharat (Amdatul 

Ahkaam) – 3
(24)Zameen par agar paishab kar diya jaye toh is par pani ka doul baha dene se woh jaga pak hojati hai.
(25)Panch chizein fitrat mein se hain, khatna karwana, zer nafa baal khatna, mouchein pasat karna, nakhoon tarashna aur baghal k baal nochna.
(26)Janabat se ek momin khud najis nahin hojata.
(27)Ghusl janabat ka masnoon tariqa mukhtalif ahadees ki roshni mein :
*Apni sharmgah ko dhona.

*Hatailiyun ko dhona. 

*Namaz ki tarha ka pura wazu karna. 

*Pani k sath sar k baaloun ki juttoun tak khalal karna. 

*Sar par teen bar pani bahana.

*Phir pure badan par pani bahana. 

*Aur kabhi shuru mein pura wazu karte hua pairoun ko chod dena aur mukammal naha kar akhir mein alag jaga khade hokar pairoun ko dhona bhi sabit hai.
(28)Janabat ki halat mein sona jayaz hai albatta wazu kar k sona afzal hai.
(29)Aurat Mard jaise bhi ahtelam ho aur woh tari dekhey toh ghusl wajib hai, tari na dekhey toh ghusl wajib nahi.
(30)Tarmani agar kapde par lagi toh hawa se dholiya jaye, aur khushk ho toh khiroch liya jaye aur issi kapde mein namaz padhi jasakti hai.
(31)Jamaa karne se ghusl wajib hota hai agarche anzaal na bhi ho.
(32)Ghusl karte hua bhi baqadr zadurat kam se kam pani istemal kiya jana chahiye.
(33)Woh insan jisse pani maiyassar na ho ya isse istemal karne mein aazar la haq ho toh woh taimam kar sakta hai, wazu ki jaga bhi aur ghusl ki jaga bhi.
(34)Taimam ka tareeqa :
*Mitti par ek bar hath mar kar dono hatailiyun ko agey pichey se aapas mein milna.

*Chehre par masaa karna.
(35)Sari ki sari zameen hi paak hai aur taimam k layaq hai.
(36)Istekhaza ki halat mein aurat apne haiz k ayam ka hisab kare phir taharat hasil kar k is se upar jab tak khoon jarri hai namaz padhti rahegi, kyun k woh haiz ka nahin istehaza ka khoon hai, albatta isse har namz k liye taza wazu karna hai.
(37)Haiz k sath nahaya jasakta hai,  haiz aurat kisi ko hath laga sakti hai, issi tarha se usse chuhwa jasakta hai, balke muqaam haiz k alawa mubashirat ki jasakti hai, aur isse quran tak sunaya jasakta hai.
(38)Haiz namaz ki qaza nahin padhegi albatta roze ki qaza rakhegi.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: