Deobandi Hanafi ka jayeza…

Deobandi Hanafi ka jayeza….

🍃BismillahirRahmanNirRaheem🍃

📘Jawab :

ℹHamare is post ka maqsad sirf aur sirf Musalmano ki islah karna hai. Na ke kisi Jamaat ya kisi shakhs ko nishana banana hai. Lekin zarurat padne par ham kisi Jamaat ka ya shakhs ka naam lena lazim samajte hai kyunke Musalmano ko aisi Jamaato aur shakhsiyat ki gumrahiyo se bachaya jaye.

↘Hindustan, Pakistan aur Bagladesh me Aleemo ne Musalmano ko sirf…

-Namaz me hath kaha badhna

-Raful-yadain karna ya na karna

-Ameen zor se bolna ya nahi bolna

-Tarawih 20 rakaat ya 8 rakaat

-Juma ke din 1 azaan ya 2 azaan

-3 Talaq ya 1 talaq

in masle-masail me hi uljha rakha hai.

↘Lekin kabhi “Aqeede aur Usool” par baat nahi ki jaati hai. Baat sirf aur sirf masle masail par hi baat ki jaati hai  aur Musalmano ko isi me fasakar rakha gaya. Aur Musalmano ke Barbadi ka sabab (wajah) hai.

Deoband aur Bareli ke Ulamao ne apna Aqeedah awwam (public) se chhupa rakha hai aur awwam ko yeh bataya ke ‘Aqeedah, Usool, Fiqh aur Tasawwuf me ham puri tarah se Imam Abu Hanifa ke pairokar hai. Lekin hahikat yah nahi hai.

↘“Aqeedah” sab se zayda ahem hota hai. Akhlaq, Namaz, Roza, Zakat yah saare baad ke amaal hai. Pahle ham hamara Iman aur Aqeede ko durust karle.Saare ibaadaat ki kubuliyat sirf Aqeede ke durusti par rahti hai.

🔆Alhamdulillah, Ahle Sunant wal Jamaat jo Sahaba, Tabi’in aur Tab-Tabi’in ki Jamaat thi. Duniya bhar me yah Jamaat alag alag naamo se pahechni jaati hai jaise Ahlul Hadees, Ashaabul Hadees, Ahlul Athar, Salafi, Muhammadi, Ansar Al Sunnah, Tayfa Mansoora, Firka Naziya (Jahannam se najaat paane wala firka).

ℹAhle ilm kahte hai Imam jaise Imam Abu Hanifa, Imam Malik, Imam Shafi aur Imam Ahmed Hanbal,  yah 4 Imam Ahle Sunant wal Jamaat me se hai lekin unke maan ne wale Muqalleedin bhi tabhi Ahle Sunnat wal Jamaat me shamil ho sakte agar in Imamo ke Muqalidin apna….

-Aqeedah

-Usool

-Fiqh

-Taswwuf (Tazkiya Nafs)

bhi in 4 Imamo ke jaisa ho.

✳Lekin aaye dekhte hai inhi ke kitabo se.

↘Hamare Hindustan, Pakistan, Bagladesh, Afghanistan aur Srilanka me Deobandi Hanafi aur Bareli Hanafi sabse zyada paaye jaate hai.

Kya yeh log Ahle Sunant wal Jamaat me shamil hai.?????

Yeh log “Ahle Sunnat wal Jamaat” se bahot dur hai.

🔴Daleel No.1 :

Darul Uloom Deoband ke Mashhoor Aleem jinka naam Khalil Ahmed Sahalanpuri hai wah apni kitab Aqeeda Ahle Sunnat Deoband jo kitab “Sarfaraz Academy, Deoband” se chhapi hai. Is kitab ke Page No. 33 par likhte hai.

Deobandi Hanafi,

⭕Aqeede aur Usool me  :

Imam Abu Mansoor Maturidi

Imam Abu Hasan Ashari

ke muqallid hai.

⭕Fiqh me :

Imam Abu Hanifa (Rh)

ke muqallid hai.

⭕Tassawuf (Taskiya Nafs) me :

Sufiya ke silsile jaise,

-Qadari

-Chisti

-Suharwardi

-Nakshnabandi

ke tarike-kar (methodology) par hai.

Sufiya wo log hai jinone ibaadat ke naam par Naye naye biddat nikale.

Sabse zyada Sufiyo ne Islam ko khokla kiya.

🔴Daleel No.2 :

“Fatawe Rahimiyah” me bhi yahi baat likhi hui hai.

↘In 2 daleelo se yah malum huwa ke….

Hanafi Deobandi Imam Abu Hanifa (Rh) ko sirf  aur sirf Fiqh yaani Masale Masail me apna Imam mante hai halanke Masale Masail se zyada ahem (important) Aqeedah aur Usool hota hai.

🔴Imam Abu Hanifa (Rh) ke Aqeede me kya kharabi thi ..????

❓Hamara sawal yah hai ke Imam Abu Hanifa (Rh) ke Aqeede me aisi kya kharabi thi jo apne apna Aqeedah unse nahi liya halanke Imam Tahawi (Rh) me Imam Abu Hanifa (Rh) ke Aqeedah wazeh kiya hai.

🔴“Imam Abu Mansoor Maturidi kaun the ??????

Saare “Ulama-e-Ahle Sunant wal Jamaat ka kahena hai ke Imam Abu Mansoor ek GUMRAH shakhs the. In se Aqeedah nahi liya jasakta.

🔴Imam Abu Hasan Ashari  kaun the ??????

Imam Abu Hasan Ashari sab se pahle Jahamiyyah (Takdeer ka inkar karne wala) the fir Motezila (Quran ko Allah ki makhluk kahne wala) bane fir apne akhari zindagi me tawbah karke -Ahle Sunant wal Jamaat ki taraf laute.

Lekin Deobandi Hanafiyo ke sath sath Maliki aur Shafiyo ne Imam Abu Hasan Ashari (Rh) ka unke TAWBAH karne se pahle ka aqeedah liya hai.

🔴Firka Ashari aur Maturidi ka Aqeedah kya hai???

Firke Ashari aur Maturidi abi bhi maujud hai. Yeh firke Allah ko Arsh par nahi mante hai aur Allah ke sirf 7 Asma wa Sifaat  ko mante hai baaki ke Asma-wa-Sifaat me taawil (dusara matlab de dena) karte hai.

🔴Aqeedah No. 1 :

Maturidi Allah ko Arsh” par nahi mante balke har jagah mante hai.

✅Quran kaheta hai :

“Jo Rahman hai Arsh par Mustawi (qayam) hai.

📗(Surah 20 Taha : Ayat 05)

Allah wo hai jisne asmaan aur zameen ko aur uske darmiyaan hai, sab ko 6 din me paida kar diya, fir Arsh par Qayam (Mustawi)…

📗(Surah Sajdah 32 :Ayat 4),

Aur bhi daleele [35:10], [57:3], [58:7], [57:4].

Allah ke Arsh ke bareme Deobandi aur Bareli ka yahi Aqeedah hai.

Allah Arsh par kis tarah hai iski kaifiyat ham nahi jante. Wallahu Alam.

🔴Aqeedah No. 2:

Jaise Allah ke Hatho ki taawil karte huye Allah ke Hatho ko Allah ki Rahemat samajte hai lekin Ahle Sunant wal Jamaat Allah ke Hatho ko Hath hi samjte hai lekin uski kaifiyat bayan nahi karte kyunke Allah jaisi koi chiz nahi hai. Allah ke Hath kaise hai yeh sirf aur sirf Allah ko hi malum hai. Allah ke Hatho ko Insan ke hatho se compare karna SHIRK ho jayega.

↘Yaad rahe, Allah ke “Asma wa Sifaat” aur “Arsh” ka masla yah Fiqhi masla nahi hai.

Yah Aqeede ka masla hai kyunke yah Allah ke Tawheed se juda huwa hai.

Isliye…

ℹDeobandi Hanafi Aqeede aur Usool me “Maturidi”  aur Ashari hai aur sirf  Fiqh” ke Masle Masail me “Hanafi hai wah bhi puri tarah nahi. isko ham baad me dekhenge.

Yahi haaal Bareliyo ka bhi hai. “Fiqh me Hanafi hai aur “Aaqeede aur Usool me Imam Ahmed Raza Bareli ke Muqallidin hai⭐

Advertisements

One comment

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: